Nagpanon ang tanang kapamilya kauban and UC Nursing CESDEV alang sa Limpyo Sapa project didto sa Can-asujan Dam sa lungsod sa Carcar. Ang irrigation officer sa National Irrigation Administration Engr. Diosdado Rosales ug Mayor Patrick Barcenas sa Carcar maoy nangulo sa kalihukan ubos sa pagpasiugda sa MOR LS 97.1 Lupig Sila sa ABS CBN nga nagsaulog sa ilang ika 13 nga anibersaryo karong buwana.
Ang taga PNP, NAVFORCEN, 78th IB ug asosasyon sa nagkadaiyang mga grupo sa mga mag-uuma sa maong lungsod nag-ambahan sa kalihukan. Ni-abag usab ang mga opisyales sa barangay, ug ubang mga grupong mahigugmaon sa kinaiyahan.
Mga gapnod, mga nanga-anud nga kahoy, kawayan, sagbot ug uban pa nga nadala sa bul-og sa tubig ilabi na kong dunay dakong baha ang gipanghipos sa mga ni-apil. Kini nga kalihukan gitumong aron mas molungtad ug dili dayon maguba ang Can-asujan Dam.
Ang labing dakong kapuslanan sa dam mao ang iyang dakong tampo pagpalambo sa kapin sa 700 ka ektaryang kahumayan ug mga utanon sa 12 ka barangay sa ubos nga nakapahimus sa patubig. Kay napugngan na man ang pinatuyangan nga pag-awas sa tubig, nidagko ug nilawom ang duha ka tinubdang sapa—ang Can-asujan ug Pondol—nga nakatabang sab sa panginabuhi sa mga molupyo sa ibabaw nga naagian sa mga sapa. (news from Junrey Nadela and Leo Lastimosa of ABS-CBN)
Ang taga PNP, NAVFORCEN, 78th IB ug asosasyon sa nagkadaiyang mga grupo sa mga mag-uuma sa maong lungsod nag-ambahan sa kalihukan. Ni-abag usab ang mga opisyales sa barangay, ug ubang mga grupong mahigugmaon sa kinaiyahan.
Mga gapnod, mga nanga-anud nga kahoy, kawayan, sagbot ug uban pa nga nadala sa bul-og sa tubig ilabi na kong dunay dakong baha ang gipanghipos sa mga ni-apil. Kini nga kalihukan gitumong aron mas molungtad ug dili dayon maguba ang Can-asujan Dam.
Ang labing dakong kapuslanan sa dam mao ang iyang dakong tampo pagpalambo sa kapin sa 700 ka ektaryang kahumayan ug mga utanon sa 12 ka barangay sa ubos nga nakapahimus sa patubig. Kay napugngan na man ang pinatuyangan nga pag-awas sa tubig, nidagko ug nilawom ang duha ka tinubdang sapa—ang Can-asujan ug Pondol—nga nakatabang sab sa panginabuhi sa mga molupyo sa ibabaw nga naagian sa mga sapa. (news from Junrey Nadela and Leo Lastimosa of ABS-CBN)
