Ang Kasadya Ning Taknaa (o Kasadya ning Taknaa) usa ka popular nga tugtog sa Pasko sa mga dapit sa Pilipinas diin ang gigamit nga pinulongan mao ang Binisayang Sinugboanon. Ang maong kanta gitagik ni Vicente Rubi, usa ka iladong kompositor sa mga awit Binisaya. Ang teksto sa awit gisulat ni Mariano Vestil. Ang maong kanta labihan ka popular nga gani kini gihimog bersiyon sa ubang pinulongan, lakip na sa Tinagalog.
Kasadya ning táknaa
Dapit sa kahimayaan.
Mao ray among nakita,
Ang panagway nga masanagon.
Buláhan ug buláhan
Ang tagbaláy nga giawitan.
Awit nga halandumon,
Ug sa tanang pasko magmalípayon.
Bag-ong tuig, bág-ong kinabúhì.
Duyog sa átong mga pagbati.
Atong awiton ug atong laylayon
Aron magmalípayon.
Kasadya ning táknaa
Dapit sa kahimayaan.
Mao ray among nakita,
Ang panagway nga masanagon.
Buláhan ug buláhan
Ang tagbaláy nga giawitan.
Awit nga halandumon,
Ug sa tanang pasko magmalípayon.
Bag-ong tuig, bág-ong kinabúhì.
Duyog sa átong mga pagbati.
Atong awiton ug atong laylayon
Aron magmalípayon.
