BY LEO LASTIMOSA
Inanay nang gitak-opan ang nagkalainlaing mga pangalagad sa Grand Halad sa Kapamilya nga gipahigayon sa USC Main campus. Apan wa pa gihapon mohubas ang bagang duot sa katawhan nga nagtapok dinhi aron pagtabang ug pagpahimus sa gitanyag nga mga hinabang.
Mao ni mahitabo nako sa matag Halad: Di lang gihapon ko katuo ug wa lang gihapon ko'y mga pung nga ikahubit sa katahom sa talan-awon kon mag-abot nang mga kapamilya nga may katakos sa pagtabang ug ang mga kapamilya nga labing nagkinahanglan og tabang. Ang bugtong mahimo mao na lang ang pagpasalamat nga sa makausa pa nahimo na sab ming taytayan aron magkaabot ang mga sakop sa makitawhanon ug manggihatagon nga katilingban.
Mapasalamaton kaayo ang mga nangapil sa tibuok adlaw nga Halad. Ang mga nagpakitabang, bisan wa tingali mahatagi sa tanan nilang panginahanglan, natagbaw nang namauli sa ilang mga pinuy-anan. Labaw'ng mapahiyumon ang mga nitanyag sa ilang hinabang.
Bisan sa kadako sa ilang gasto, sa ilang kahimanan, katigayonan, katakos ug panahon. Alang nila duna gyo'y mas gamhanan pa nga puwersa nga nipuno sa ilang kasingkasing ug nipaawas sa ilang diwa.
Inanay nang gitak-opan ang nagkalainlaing mga pangalagad sa Grand Halad sa Kapamilya nga gipahigayon sa USC Main campus. Apan wa pa gihapon mohubas ang bagang duot sa katawhan nga nagtapok dinhi aron pagtabang ug pagpahimus sa gitanyag nga mga hinabang.
Mao ni mahitabo nako sa matag Halad: Di lang gihapon ko katuo ug wa lang gihapon ko'y mga pung nga ikahubit sa katahom sa talan-awon kon mag-abot nang mga kapamilya nga may katakos sa pagtabang ug ang mga kapamilya nga labing nagkinahanglan og tabang. Ang bugtong mahimo mao na lang ang pagpasalamat nga sa makausa pa nahimo na sab ming taytayan aron magkaabot ang mga sakop sa makitawhanon ug manggihatagon nga katilingban.
Mapasalamaton kaayo ang mga nangapil sa tibuok adlaw nga Halad. Ang mga nagpakitabang, bisan wa tingali mahatagi sa tanan nilang panginahanglan, natagbaw nang namauli sa ilang mga pinuy-anan. Labaw'ng mapahiyumon ang mga nitanyag sa ilang hinabang.
Bisan sa kadako sa ilang gasto, sa ilang kahimanan, katigayonan, katakos ug panahon. Alang nila duna gyo'y mas gamhanan pa nga puwersa nga nipuno sa ilang kasingkasing ug nipaawas sa ilang diwa.
