DI mominos 600 ka mga pamilya ang nahasol gumikan sa pagkadahili sa bungtod didto sa Unit-3-A Villa Remedios, brgy., Kalunasan, dakbayan sa Sugbo. Ang pag-irog sa yuta sa maong dapit resulta gihapon niining padayon nga pag-uwan-uwan sa nagdaiyang dapit dinhi sa dakbayan ug lalawigan sa Sugbo.
Si Kapitan Nunilon S. Monares Jr., sa pagpakighinabi sa Sun.Star Superbalita nibutyag nga naalihan gyud ang karsada nga naglagbas paingon sa Villa Remedios gumikan sa pagkatumpag sa 7 metros nga bahin sa bukid. Ang pagkadahili sa yuta inubanan pa sa dagkong mga bato nga maoy nakabara sa mga sakyanan ug mga tawo paingon sa maong dapit.
Dugang sa nakahasol mao ang pagkaibot sa tulo ka mga punoan sa Gemelina nga daw sama na sa lawas sa tawo ang gidak-on, matod pa sa kapitan. Gipadayag ni Monares nga ang iyang mga residente maoy nagtinabangay sa pagpadaplin sa mga yuta ug bato nga naali sa dan aron paghatag og temporaryong agianan sa mga tawo ug sakyanan. Iyang gihulagway nga mga upat ka metros ang gidak-on sa natabunan sa karsada hinungdan sa pagkabara.
Ang mga residente sa maong dapit ninggamit sa bayanihan, barangayan ug bolunterismo gamit usab ang mga dekarga nga sakyanan sa dapit. Sa pagsuwat niining balita gibutyag ni Monares nga maagian na ang maong dapit gumikan sa ilang pagpaningkamot. Wa na lang usab sila mohuwat sa Cebu City Disaster Coordinating Council sanglit madala ra man nila inubanan sa ilang kakugi.
http://www.sunstar.com.ph/superbalita-cebu/balita/600-ka-pamilya-apektado-sa-landslide-sa-kalunasan
Si Kapitan Nunilon S. Monares Jr., sa pagpakighinabi sa Sun.Star Superbalita nibutyag nga naalihan gyud ang karsada nga naglagbas paingon sa Villa Remedios gumikan sa pagkatumpag sa 7 metros nga bahin sa bukid. Ang pagkadahili sa yuta inubanan pa sa dagkong mga bato nga maoy nakabara sa mga sakyanan ug mga tawo paingon sa maong dapit.
Dugang sa nakahasol mao ang pagkaibot sa tulo ka mga punoan sa Gemelina nga daw sama na sa lawas sa tawo ang gidak-on, matod pa sa kapitan. Gipadayag ni Monares nga ang iyang mga residente maoy nagtinabangay sa pagpadaplin sa mga yuta ug bato nga naali sa dan aron paghatag og temporaryong agianan sa mga tawo ug sakyanan. Iyang gihulagway nga mga upat ka metros ang gidak-on sa natabunan sa karsada hinungdan sa pagkabara.
Ang mga residente sa maong dapit ninggamit sa bayanihan, barangayan ug bolunterismo gamit usab ang mga dekarga nga sakyanan sa dapit. Sa pagsuwat niining balita gibutyag ni Monares nga maagian na ang maong dapit gumikan sa ilang pagpaningkamot. Wa na lang usab sila mohuwat sa Cebu City Disaster Coordinating Council sanglit madala ra man nila inubanan sa ilang kakugi.
http://www.sunstar.com.ph/superbalita-cebu/balita/600-ka-pamilya-apektado-sa-landslide-sa-kalunasan
