Welcome to the Blogsite of CESDEV-Nursing
Community Extension Services & Development
University of Cebu-Banilad College of Nursing!

This blogsite shall serve as your online access for information, updates, photo displays, videos, news, relevant links and other matters related to the programs and activities of UC Nursing CESDEV as well as other features that may be of peculiar interest and value to the University of Cebu community and the multitude of blog visitors.


GRAND HALAD SA KAPAMILYA


Sa makausa pa, nakigtambayayong and CESDEV Nursing sa UC Banilad sa gilusad sa DYAB Abante Bisaya ug ABS-CBN Cebu nga Grand Halad sa Kapamilya niadtong Sabado, Nobyembre 15, 2008. Ang higanteng piyesta sa mga pangalagad gipahigayon tibuok adlaw sa UP Cebu Grounds sa Lahug, Dakbayan sa Sugbo.

Nag-abot ang labing matinabangon ug ang labing tabanganan nga mga Sugbuanon. Nagsilbi kaming taytayan sa makapatandog nga pag-inunongay, makapatukbil nga pagsinabtanay ug makapadasig nga pagkinuptanay. Hinaot nga mosangpot sa mas lig-on nga panaghiusa pagsagubang sa mas lisod pang mga pagsuway.

Ang sentro sa Halad mao ang libreng pangalagad sa mga doktor ug libreng mga tambal sa mga pasyente. Magtambayayong ang mga mananambal sa CCMC, Cebu City Health Department (CCHD) ug PAF; mga tinun-an sa nursing sa UC; ug pharmacists sa Cebu Pharmaceutical Association.

Nitabang ang mga dentista sa Cebu Dental Society uban ang ilang dental van; mga dentista sa CCHD nga nagdala usab og van; ug mga dentista sa PAF. Nitampo sa mga tambal ang Bantay Bata 163, Department of Health DOH 7 ug Epson Software Engineering.

Ang kaliboan nga naghugop sa Halad nakapahimus sa mosunod nga mga pangalagad:

· CBC sa 500 ka pasyente sponsored sa Chong Hua Hospital;

· Glucose test, urinalysis ug blood typing sa Perpetual Succour Hospital;

· Blood pressure check-up, weight ug body mass index check ug blood sugar test pinaagi sa Philippine Paramedical & Technical School;

· Urinalysis ug x-ray alang sa 100 ka pasyente gikan sa Hi-Precision Diagnostic;

· Iridology ug product sampling sa CMD;

· Kaliboan ka sets sa toothbrush, toothpaste, tumblers ug duwaan nga mga relo gikan sa Timex ug Epson;

· Libreng bakuna, kapon, purga, bitamina, shampoo ug tambal sa kagid sa mga iro ug iring uban sa Cebu City Veterinarian’s Office;

· Libreng masahe sa Bright Pathway Blind Association ug reflexologists

· Libreng serbisyong legal ug notaryo uban sa mga sakop sa YLAC ug IBP Cebu Chapter;

· Mobile passport service sa Department of Foreign Affairs;

· Paghikay sa mga lisensiya sa mga drayber sa Land Transportation Office;

· Libreng seminar alang sa housing loan applicants pinaagi sa PAG-IBIG;

· One-stop-shop sa mga pangalagad sa NSO, SSS, GSIS ug Philhealth;

· Libreng mga binhi ug semilya gikan sa Department of Agriculture;

· Libreng pag-ayo sa cell phones, PC, motorsiklo, TV ug radyo pinaagi sa Tesda, IECEP ug Hi-Tech men sa DYAB;

· Job Search uban ni Fidel Magno sa DMDP Cebu City;

· Pagpamalit sa mga basura pinaagi sa SM Trash for Cash project; ug

Mass feeding sa Bantay Bata 163.